İranda 2 keşe üterelgän

İrannıñ Sistan - Bäluçistan provinśiyäsendä “Ceyşul Adl" rejim oppoziśiyäse äğ’zası dip sanalğan 2 keşe “terror ğamälläre” başqaru nigeznamäse belän üterelgän.

“Tasnim” mäğ’lümat agentlığı Raşid Bäluç belän İsxak Askaninıñ Zaxidan şähärendä qurqınıçsızlıq köçlärenä qarşı qorallı höcüm häm terror ğamälläre başqaruları säbäple üterelüen xäbär itte.

Bäluç häm Askani provinśiyäneñ Cebruk häm Riddik çik buyı töbäklärendä 4 ğaskärineñ ğomere özelgän qorallı höcümne êşläwçe dip ğayeplänälär.