Ğaräp Berlege Avstraliyägä räxmät belderde
Avstraliyä monnan aldağı xökümätneñ Könbatış Qudüsne izrail başqalası bularaq tanu qararın kire aldı
Ğaräp Berlege Könbatış Qudüsne (Yerusalim) İzrail başqalası bularaq tanu qararın kire alğan Avstraliyägä räxmät belderde.
Berlekneñ ğomum särqatibe Äxmät Äbu Gayt älege ilneñ tışqı êşlär ministrı Penni Vongqa bu nisbättän xat cibärde. Anda Avstraliyä xökümätenä ğadellek prinśipların häm xalıqara xoquqnı saqlaw mäs’äläsendäge qıyulığı öçen räxmät belderelä.
Äbu Gayt, monnan tış, ike däwlätle çişeleşneñ, fälästinlelär häm izrailllelär arasında ğadel häm axırğı näticägä ireşü öçen, xalıqara xoquqqa turı kilüçe berdänber yul buluın assızıqladı.
Bilgele bulğança, Avstraliyäneñ monnan aldağı xökümäte 2018nçe yılda Könbatış Qudüsne İsrailneñ başqalası bularaq tanu qararı çığarğan ide. Êntoni Al’baneze citäkçelegendäge yaña xökümät isä 18nçe oktyabr’dä älege qararnı kire aluın belderde.
Avstraliyä tışqı êşlär ministrı Penni Vong bu xaqta yazmaça belderü yasap, êlekkege xökümätneñ qararın “ber’yaqlı häm xätär adım” dip atadı. Ul üz ileneñ İzrail häm kiläçäktäge Fälästinneñ xalıqara raslanğan çiklär êçendä tınıçlıq êçendä yäşäyäçäk ike däwlätle çişeleş êzläw yaqlı buluın assızıqladı.
