Nalgae tayfunı 110 keşene alıp kitte

Filippinnarğa kiterep bärgän Nalgae tayfunında ğomere özelüçelär sanı 110ğa citte. Yuğalğan 33 keşene êzläw däwam itä.

Nalgae dawılı uzğan atna axırında ilneñ kön’yaq öleşendä täêsiren arttırdı. Köçle yawım-töşemnär su basu häm cir şuışuğa kiterde. Älege afättä yözlägän keşe ülde, meñnärçä öy su astında qaldı.

Yaqınça 866 meñ keşe torğan cirlären taşlap kitärgä mäcbür bulğan. Tayfun cämğıse 2 million 400 meñ keşegä täêsir itkän. Kitergän zıyan isä 22 million yarım tiräse bularaq açıqlandı. Şul uq waqıtta asqormağa13 million dollarlıq zarar yasalğan.  

Filippinnar atmosfera, geofizika häm astronomiyä xezmätläre idaräse tayfunnıñ kiçä kiç ildän kitüen belderde.