“Xäzerge waqıtta berkem dä M’yanmağa cibärelergä tiyeş tügel"

BMO M’yanmadağı gumanitar krizis säbäple başqa däwlätlärgä sıyınğan watandaşlarnıñ mäcbüri kire qaytarılmasqa tiyeşlegen belderde.

BMO keşe xoquqları yuğarı komissarı Fol’ker Törek Malayziyägä sıyınğan 2 m’yanmalınıñ 6nçı oktyabr’dä deportaśiyälänüen äytte. Ul älege il xalqınıñ xärbi tüntäreleştän soñ köç qullanu, totrıqsızlıq häm iq’tisadi krizis belän köräşüen assızıqlıy. “Xäzerge waqıtta berkem dä M’yanmağa cibärelergä tiyeş tügel,”-dide Fol’ker Törek.

BMO wäkile başqa däwlätlärdä sıyınu sorağan bik küp aktivist häm M’yanma armiyäsennän qaçuçılarnıñ illärenä kire qaytqan oçraqta zur yanaw astında bulaçaqların äytte. Törek M’yanmadağı gumanitar krizisnıñ torğan sayın tiränäyüen söyli. “Älege wäzğıyät’tä illärneñ keşelärne ğazap häm xäwef êçenä cibärmiçä bu keşelärgä qanunlı status birüe ähämiyätle,”-di ul.  

BMO migrantlar yuğarı komissarlığınnan kiçä yasalğan belderüdä soñğı 2 ayda yözlärçä m’yanmalınıñ Malayziyädän üz teläklärenä qarşı çığarılıp cibärelüe äytelgän ide.