Trass soñğı tapqır xalıqqa möräcäğat' itte

Angliyädä 20nçe oktyabr’dä xökümät räise häm Konservativ partiyäneñ liderlığı wazıyfalarınnan kitkän Liz Trass patşa Çarl’z Öçençegä ğarizasın täq’dim itär aldınnan axırğı tapqır xalıqqa möräcäğat’ itte.

Ul xökümät täise wazıyfasın başqarunıñ zur ğorurlıq buluın äytte häm xökümäteneñ iq’tisadi awır çorlarda ğailälär häm êşmäkärlär öçen aşığıç häm xälitkeç adım yasawın alğa sörde.  

“Xökümät räise bulğannan birle min qıyu bulu häm yulıbızda oçrağan awırlıqlarnı xäl itü kiräklegen härwaqıttağıdan tağın da kübräk añladım,”-di Trass.    

Ul çığışında ileneñ Ukrainağa yärdämen däwam itärgä tiyeşlegen dä assızıqladı. “Putinnıñ agressiyäsenä qarşı bu qıyu köräştä Ukrainanı härwaqıttağıdan tağın da kübräk yaqlarğa kiräk,”-dide êlekkege prem’yer. Trass yaña xökümät räise Rişi Sunakqa älege êştä uñışlar teläde.