Prinś Möxämmät bin Sälman Aljirğa barudan baş tarttı
Ul Aljirda uzaçaq Ğaräp Berlege sammitına barudan baş tartuına sıltaw itep qolağındağı problemanı kürsätä
1896710
Soğud Ğaräbstanı täxet prinśı Möxämmät bin Sälman Aljirda uzaçaq Ğaräp Berlege sammitında qatnaşmayaçağın belderde. Patşalıqtan citkerülärençä, prinśnıñ qolağında problema bar, şuña kürä patşa Sälman bin Abdulğazizneñ ilne sammitta wäkillek itü kürsätmäsen üti almıy.
Tabiblar bin Sälmanğa qolağında barlıqqa kilergä mömkin barotravma qurqınıçı säbäple ozaq waqıtlı oçqıç yulçılıqları yasamasqa kiñäş itkän. “Yulçılıqnıñ ozın häm baru belän qaytunıñ 24 säğat’ êçendä bulacağı säbäple täxet prinśınıñ Aljirğa oçuı mömkin tügel,”-diyelä belderüdä. Anda patşa Sälmannıñ Aljirnı yaqlawı häm Ğaräp Berlege sammitında qatnaşu öçen delegaśiyä cibärüe äytelä.
Ğaräp Berlege sammitı 1nçe-2nçe noyabr’dä Aljirda uzaçaq.
