Boris Djonson yarıştan çıqtı

Angliyäneñ êlekkege xökümät räislärennän berse Boris Djonson 20nçe oktyabr’dä wazıyfasınnan kitkän Liz Trass urınına Konservativ partiyädä başlanğan liderlıq häm prem’yer-ministr känäfiye öçen yarıştan çıqtı. Bu xaqta ul yazmaça belderü yasadı. Anda Djonson sonğı berniçä kön êçendä xalıqtan da, parlamenttağı dusları arasında da partiyä liderlığı öçen tağın ber tapqır yarışırğa kiñäş itüçelärneñ sanına şaqqatuın äytä.  

Êllekege prem’yer Konservatorlarnıñ 2024nçe yılda ciñüe öçen öleş kertä alacağına ışanuın assızıqlıy. Ul partiyä liderlığına kandidaturasın quyu öçen kiräkle bulğan 102 deputatnıñ yaqlawın aluın da citkerä.

Djonson bu wäzğıyät’tä unışlı bulu mömkinlegeneñ yuğarı ikänlegen belderep bolay di: “Tik sonğı könnärdä, qızğanıçqa, monıñ döres bulmayacağı turında näticä çığardım. Parlamentta berdäm partiyä bulmağanda êffektiv räweştä idarä itä almıysıñ”.

Djonson partiyä liderlığı öçen kandidaturaların räsmi räweştä beldergän Rişi Sunak häm Penni Mordaunt belän söyläşüen dä telgä ala. “Çönki milli mänfäğat’lär öçen berläşä aluıbıznı uylıy idem. Qızğanıçqa, monı başqarunıñ yulın taba almadıq. Şul säbäple, iñ yaxşısı - kandidatlığımnıñ alğa baruın röxsät itmäw häm unışqa ireşüçegä teräk bulu. Minem täq’dim itä alaçaq närsälären küp, tik, qızğanıçqa, äle waqıtı ul tügel,”-dide Angliyäneñ êlekkege prem’yerı Boris Djonson.