Soğud Ğäräbstanı: “Gäyıpläwlärgä ğacäpländek”
Soğud Ğäräbstanı saqlanu ministrı priñś Xälid bin Sälman “OPEK+” törkemeneñ könenä neft’ citeşterüen 2 million miçkägä azaytu qararı arqasında ileneñ Ukrainağa qarşı Rusiyä yağında buluda gäyıplänüenä ğacäplänülären belderde.
Prinś bin Sälman “Twitter” akkauntınnan yasağan belderüendä: "Ukraina-Rusiyä suğışında Soğud Ğäräbstanınıñ Mäskäw yağında buluda gäyplänelüenä ğacäpländek. Bu nigezsez gäyıpläwlärneñ Ukraina xökümätennän kilmäwen iskärtep uzu faydalı bulır. “OPEC+” törkemeneñ qararı tulısınça iq’tisadi säbäplär belän qabul itelgän bulsa da qayberäwlär Soğud Ğäräbstanıñ Rusiyäneñ yağında toruda gäyıpläde”, - dip äytte.
Prinś Bin Sälman belderüendä ayıruça: "İran da OPEK äğ’zase, yäğ’ni bu Soğud Ğäräbstanınıñ şulay uq İran yağında buluı mäğ’näsenä turı kiläme?", - dip iskärtep uzdı.
OPEK häm OPEK äğ’zase bulmağan qayber citeşterüçe illärdän toruçı “OPEK+” törkemeneñ ênergetika häm neft’ ministrları Awstriya başqalası Venada 5nçe üktäbr’dä ütkärgän cıyılışta könenä neft’ êşläp çığaruın 2 million miçkägä azaytu qararın qabul itkän ide.
Soğud Ğäräbstanı Tışqı êşlär ministrlığı da 14nçe üktäbr’dä yasağan belderüendä “OPEK+” törkemeneñ qararınnan soñ üzlärenä yünältelgän gäyıpläwlärne tulısınça kire qağularun citkergän ide.
Bäyläneşle xäbärlär
Bötendönya sälamätlek saqlaw assambleyası açıldı
BMO ğomum särqatibe Antonio Guterriş anda Sudan häm Ğazzä temasın kütärde
