Möselman doşmanlığı belän köräştä xezmättäşlek

Awrupa iminlek häm xezmättäşlek oyışmasınıñ Möselmannarğa qarşı tüzemsezlek häm diskriminaśiya belän köräş maxsus wäkile, tulı wäqalätle ilçe İsmail Hakkı Musa “Twitter” akkauntınnan Awrupa Şurası ğomum särkätibeneñ Antisemitizm, möselman doşmanlığı, dini tüzemsezleklärneñ başqa törläre häm näfrät cinayätläre maxsus wäkile Daniel Höltgen belän 7nçe üktäbr’dä onlayn söyläşü ütkärülären belderde.

Höltgen ta urtaqlaşqan yazmasında: "Antisemitizmnıñ artuına oxşaş räweştä Awrupada möselmannarğa qarşı rasaçılıqta borçılırlıq däräcädä artu küzätelä. Awrupa Şurası häm Awrupa iminlek häm xezmättäşlek oyışması bu artunı tuqtatuda qatğıy”, - dip äytte.

Awrupa Şurasınnan söyläşü belän bäyle bularaq yasalğan yazmaça belderüdä dä Höltgenneñ Musanı yaña wazıyfası uñayınnan täbrik itüe citkerelep: "Monnan aldağı wäkil, ilçe Paçacı belän urnaştırılğan iskitkeç mönäsäbätlärne däwam itterü häm üsterü mäs’äläsendä kileştek häm möselmannarğa qarşı rasaçılıq belän ber rättän din häm ışanu irege mäs’äläsendä fiker alıştıq”, - dip äytelde.

Belderüdä Höltgen häm Musanıñ ayıruça möselmannarğa qarşı rasaçılıq belän köräştä iñ yaxşı ğamällärne buldıru kebek buluı mömkin xezmättäşlek yulların tikşerüläre iskärtelep uzıldı.

Tulı wäqalätle ilçe İsmail Hakkı Musa Awrupa iminlek häm xezmättäşlek oyışmasınıñ 2022nçe yıl çirattağı räislegen üz östenä alğan Pol’şa tarafınnan wazıyfasına bilgelängän ide. Musa wazıyfanı 2019nçı yıldan birle başqarğan tulı wäqalätle ilçe Mäxmät Paçacıdan alğan ide.