Putin: "Qırım küperendäge şartlaw terrorçılıq ğamäle"

Rusiyä däwlät başlığı Vladimir Putin Qırım küperendä bulğan şartlawnı Ukraina küzläw oyışması oyıştıruın belderde. Ul Sankt-Peterburg şähärendä Rusiyä tikşerü komitetı citäkçese Aleksandr Bastrıkin belän oçraştı. Anda Putin bolay dip söyläde: “Bu Rusiyä federaśiyäseneñ kritik ähämiyätkä iyä sivil asqormasın yuq itärgä maqsat itep quyğan terrorçı höcüme. Monı uylap tabuçı, tormışqa aşıruçı häm zakaz birüçe Ukraina küzläw oyışması”.

Rusiyä tikşerü komitetı citäkçese Bastrıkin da şartlaw belän bäyle bularaq terrorçılıqta ğayeplänep cinayät’ êşe açıluın citkerde. “Bu tikşerüneñ berençe êtabında açıqlanğan mäğ’lümatlar belän raslandı,”-dide ul.

Bastrıkin qayber Rusiyä häm çit il watandaşlarınıñ küperne şartlatu êşendä Ukraina küzläw oyışmasına yärdäm itüen äytte.

Rusiyä häm 2014nçe yılda annekśiyälängän Qırım arasında tözelgän Kerç’ küperendä ber yök maşinasınıñ şartlawı näticäsendä 3 keşeneñ ğomere özelde.

Ukraina däwlät başlığı ofisı kiñäşçese Mixail Podolyak monıñ “başı ğına” buluın belderde.

Putin qatnaşında 2018nçe yılda açılğan küper Qırım belän qorı cirdän bağ’lanış täêmin itüe säbäple Rusiyä öçen strategik ähämiyätkä iyä.