Qıtay Yaponiyanıñ su kiñlegen bozdı

Yaponiya yar buyı iminlek köçläre bıyıl 27nçe tapqır bozu oçrağı bularaq terkälgän ğamälneñ cirle waqıt belän säğät 03.15 tiräsendä başqarıluın belderde.

Yaponiya patryul köymäläreneñ yapon balıqçı köymälärenä iyärep barğan Qıtay köymäläreneñ territorial’ sulardan kitüe öçen kisätüe xäbär itelde.

Yaponiya xökümäte isä, waqıyğanıñ xalıqara xoquqnı bozu mäğ’näsenä turı kilüen belderep, Pekinnıñ diplomatik yullardan protest itelüen citkerde.

Pekinnıñ şuşı ğamälen "bik ayanıç häm tulısınça qabul itelmäslek” bularaq bäyäläwçe Kabinet särkätibe urınbasarı Yoşihiko Isozaki Qıtay belän mönäsäbätlärdä tınıç häm täwäkkäl totışta toruların däwam itäçäklären äytte.

Pekinnıñ soñğı çik buyın bozu oçrağınıñ Yaponiya-Qıtay arasındağı diplomatik mönäsäbätlärneñ cayğa salınuınıñ 50 yıllığı bulğan 29nçı sentyabr’ aldınnan yasaluı iğ’tibarnı cälep itte.

Könçığış Qıtay diñgezendä urnaşqan Senkaku utrawları Yaponiyanıñ kontrole astında tora.

Qıtay belän Tayvan’nıñ üz xakimiyätenä däğ’walawçı utrawlar çik buyın bozu xäbärläre belän yış-yış kön tärtibenä kilep urnaşa.