BMO protestçılarnı irekkä cibärergä çaqırdı
Rusiyädä 21nçe sentyabr’dän bügengä qadär 2 meñ 377 protestçınıñ qulğa alınuı äytelä
BMO Rusiyädä xökümätneñ Ukrainağa qarşı mobilizaśiyä iğ’lan itüenä protest belderüçelärneñ qulğa alınuın kisken tänqıyt’läde.
Oyışmanıñ Jenevadağı ofisında matbuğat cıyılışında Keşe xoquqları yuğarı komissarlığı süzçese Ravina Şamdasani ildä soñğı 1 atnada baruçı rizasızlıq çaraları turında söyläde. Ul 21nçe sentyabr’dän bügengä qadär 2 meñ 377 protestçınıñ qulğa alınuın, tik tögäl sannarnıñ bilgele bulmawın assızıqladı.
Şamdasani Dağıstan avtonom cömhüriyätendä soñğı 3 köndä xalıqnıñ uramğa çığuın, başqala Maxaçkalada protestçılar belän poliśiyä arasında bäreleşlär buluın häm näticädä distälärçä keşeneñ qulğa alınuın söyläde. Ul tınıç demonstraśiyälär häm süz iregeneñ keşe xoquqları ikänen belderep, nigezsez qulğa alınuçılarnı tiz arada irekkä çığaru öçen wäqalätlelärgä çaqıru yasadı.
Rusiyä däwlät başlığı Vladimir Putin Ukrainağa qarşı suğışta xärbilärne arttıru öçen 21nçe sentyabr’dä öleşçä mobilizaśiya iğ’lan itte.
