Rusiyädän Finlyandiyägä kitüçelär arttı

Rusiyädä öleşçä mobilizaśiyä iğ’lan itelgännän soñ kiçä tönlä Finlyandiyägä kerüçelär sanı kisäk artqan. Älege il Awrupada Rusiyä belän iñ ozın çikkä iyä.

Finlyandiyäneñ YLE telekanalı xäbärenä qarağanda, däwlät başlığı Vladimir Putinnıñ rusiyälelärgä möräcäğatennän soñ köne buyı häm, bigräk tä, tönge säğat’lärdä 1300 çaqrımlıq çiktän ütärgä teläwçelär ğadättägedän küp bula. Bigräk tä, Sankt- Peterburg şähärenä 170 çaqrım yıraqlıqtağı Vaalima häm Nuijamaa çik qapqalarına kilälär. Ütüçelär artsa da, monıñ bik zur çiratlar barlıqqa kitermäwen belderälär.

Finlyandiyä çik buyı sağı idaräse wäqalätlese, polkovnik Matti Pitkaniitti kiçä çik qapqasına 4 meñ 800 Rusiyä watandaşınıñ kilüen citkerde.

Awrupa Berlege komissiyäse Finlayndiyägä, xalıqara yaqlaw möräcäğate kilgändä, mömkinlek birü kiräklegen belderde.