Patşabikä xörmätenä 1 minut tınlıq

Angliyädä 8nçe sentybar’dä 96 yäşendä ğomere özelgän patşabikä Êlizabet İkençeneñ istälegenä il külämendä 1 minutlıq tınlıq iğ’lan itelde. Ul kiçä Törkiyä waqıtı belän kiçke säğat’ 10da ide.

Angliyä xökümäte räise Liz Trass häm ire X’yu O’Liri patşabikäneñ tormışı häm mirası turında uylaw öçen uzdırıluçı älege çarağa prem’yer-ministr rezidenśiyäse qarşına çığıp basıp qatnaştı.  

Bügen Londonda Êlizabet İkençeneñ cenaza cıyını uza. Törkiyädän anda räsni zat bularaq tışqı êşlär ministrı Mäwlet Çavuşoğlu qatnaşa.

Cenaza uzaçaq Vestminster abbatlığı çirkäwenä yaqınça 2 meñ keşeneñ kilüe kötelä. Bilgele bulğança, çarağa Rusiyä, Belarus’ häm M’yanma çaqırılmadı. İrannıñ isä barı ilçesenä çaqıru cibärelde.

Angliyäneñ iñ ozaq täxettä qalğan xökemdarı patşabikä Êlizabet İkençeneñ cenaza cıyının dön’yadağı millionnarça keşe turıdan-turı êfirda qarıy ala.