Köçle yawım - töşemnär 1314 keşeneñ ğomeren özgän

Paqıstanda 14 nçe iyün’nän birle däwam itkän musson yañğırları arqasında ülüçelär sanı 1 meñ 314kä citte, 12 meñ 703 keşe cäräxätlände.

Bu xaqta ilneñ milli afätlär belän idarä itü agentlığı xäbär itä.

Fäläkättä ğomerlären yuğaltuçılarnıñ 262 sen xatın - qızlar häm 458 en balalar täşkil itä.

Köçle yawım-töşemnär  1 million 682 meñ 726 yortqa zıyan saldı,alardan 557 meñ 891 e tulısınça cimerelde,  5 meñ 735 çaqrım yul, 246 küper ,173 eşxanä – kibet cimerelde,750 meñ 405 yort xaywanı hälaq buldı.

Yanğırlardan 33 million 400 meñ keşe zıyan kürde, 631 meñ 824 keşe çatır lager’larında yäşäwen däwam itä.

Sälamätlek saqlaw wäqalätleläre su basudan zıyan kürgän yözlägan meñ keşeneñ çista su belän täêmin itü problemaları arqasında törle awırularğa duçar buluın belderä.

Sind vilayäte sälamätlek saqlaw ministrı tabib Azra Peçuxo “Su basu säbäple 134 meñnän artıq êç kitü, 44 meñ bizgäk,100 meñnän artıq tire awıruları terkälde” dide.