Kanadada 10 keşene pıçaq qadap üterdelär

Kanadanıñ Saskaçevan töbägendä pıçaq totqan 2 höcümçe 10 keşene üterde, 15en yaraladı.

Kanada poliśiyäsennän belderülärençä, älege qırın ğamälne qıluçı 31 yäş’lek Demiên Sanderson häm 30 yäş’lek Mayls Sandersonnıñ bertuğan buluları uylanıla. Alar yäkşämbe könne irtän Djeyms Smit Kri Neyşen töbäge häm Uêldon şähärennän başlap 13 urında keşelärgä pıçaq belän höcüm itä.

Poliśiyä wäkile Ronda Blêkmor matbuğat oçraşuında bolay dip söyläde: “Berençel mäğ’lümatlarğa qarağanda, höcümnärdä 10 keşe ülde. Xastaxanägä yaralı 15 keşene alıp kittelär. Yaralanıp xastaxanägä üzläre möräcäğat’ itüçelär buluı da mömkin. 2 şöbhälene äle êzlibez”.