İspaniyada bıyıl 391 yanğın çıqtı

İspaniyaneñ Valensiya töbӓgendӓge Bejista dӓwam itüçe urman yanğınında xӓzergӓ qadӓr 19 meñ gektarlık mӓydan kölgӓ ӓylӓnde.

İspaniyaneñ Valensiya üzidarӓle töbӓgendӓge Kastellonğa bӓyle Al’to Palansiyada urnaşqan Bejista 5 kön êlek başlanğan yanğınnı hawadan hӓm cir östennӓn sünderӓlӓr.

Ut yalqınnarı tönge sӓgӓt’lӓrdӓ qabat köçӓyde, yanğında xӓzergӓ qadӓr 19 meñ gektarlık urın kölgӓ ӓylӓnde.

Yanğın sünderü departamentı rӓsmi zatı Mariano Xernandez açıqlaw yasap: “Tirӓ-yağı 120 çaqrımnan uzğan bik zur yanğın bu. Şunıñ öçen kontrol’ astına alu öçen barlıq maşinalarnı qullanabız,” – dide.

Bejisnıñ şulay uq 40 çaqrım kön’yaq-könçığışındağı S’yerra-Kalderona parkında urnaşqan Olokauda da başqa yanğınnıñ başlanuı citkerelde.

Awrupadağı Urman yanğını mӓğlümat sistemasınıñ soñğı mӓğlümatlarına kürӓ bıyıl İspaniyada 391 urman yanğını çıqtı. afӓtlӓrdӓ 284 764 gektarlık mӓydan yandı.