Oder yılğasında balıqlar nigä ülä?

Pol’şanıñ Oder yılğasındağı kümӓk balıq ülemnӓreneň seren çişü öçen çit illӓrdӓge laboratoriyalarğa mörӓcӓğӓt’ itkӓnnӓr.

Pol’şanıñ Klimat hӓm êkologiya ministrı Anna Moskva Tvitterda açıqlaw yasap, yılğa suınıñ Çexiyadağı laboratoriyağa cibӓrelüen ӓytte.

Moskvanıñ yӓrdӓmçese sunıñ şulay uq Niderland hӓm Angliyağa cibӓrelüen belderde.

Pol’şa hӓm Germaniya belgeçlӓre yılğada uzğan aynı berençe tapqır kürelgӓn balıq ülemnӓren ike ildӓge iñ naçar tabiğıy afӓt dip citkerӓ.

Pol’şa xökümӓten problemanı çişü öçen soñğa qaluda ğayeplilӓr. Xökümӓt yılğanıñ pıçranuınnan cawaplı bulğan keşe hӓm oyışmalar öçen zur cӓza birӓçӓgen kön tӓrtibenӓ kiterde.

Pol’şada yanğın sünderüçelӓr xӓzergӓ qadӓr 100 tonna tirӓse ülgӓn balıq çığaruların açıqladı.