Zaporoj'yenı Rusiyägä quşu öçen referendum

Ukrainanıñ Zaporoj’ye töbägendä Rusiyägä quşılu öçen referendum uzdırılaçaq.

Rus matbuğatındağı xäbärlärgä qarağanda, cirlektä üz-üzen iğ’lan itkän idarä räise Yevgeniy Baliśkiy “Bez Rusiyä belän bergä” forumında qatnaştı. Ul çığışında referendum turında qararnı imzalawın citkerde. Tawış birüne köz başlarına planlaştıralar.

Ukraina däwlät başlığı Volodimir Zelenskiy Rusiyäneñ, Ukraina cirlärendä qanunsız referendumnar uzdırıp, Kiyev idaräse belän dä, başqa däwlätlär belän dä söyläşü mömkinlegen yuğaltaçağın belderde.

Kreml’ süzçese Dmitriy Peskov älege referendumnı üzläreneñ uzdırmawın assızıqlap: “Bu töbäktä yäşäwçelärneñ planı. Anı bez oyıştırmıybız,”-dide.