Tınıç xalıqnıñ xӓle könnӓn-kön awıraya bara
BMOnıñ matbuğat sӓrqatibe Ukrainadağı suğış belän bäyle açıqlaw yasadı
Rusiyӓ suğış başlatqan Ukrainada tınıç xalıqnıñ xӓle könnӓn-kön awıraya bara.
Berlӓşkӓn Millӓtlӓr Oyışması Ğomüm üzӓgendӓge matbuğat oçraşuında çığış yasağan BMOnıñ matbuğat sӓrqatibe Stefan Dyujarrik bolay dip belderde: “Ukrainadağı wazğıyӓt’ belӓn bӓyle bularaq xezmӓttӓşlӓrebez bezgӓ ayıruça ilneñ kön’yağında soñğı berniçӓ kön buyı hawadan höcümnӓrneñ artuın hӓm tınıç xalıqnıñ zur awırlıqlar belӓn oçraşuın ӓytӓ.”
Bӓreleş töbӓgendӓ keçkenӓ toraq punktına utnıñ açıluın citkergӓn Dyujarrik: “Gumanitar yӓrdӓm oyışmalarınnan alınğan mӓğlümatqa kürӓ 3 ğayepsez keşe ülgӓn, yaralanğan 5 keşeneñ xӓle awır. Hӓr kön küzӓtelüçe bombağa totularda ülüçelӓr bar. soñğı 48 sӓgӓt’tӓ distӓlӓrçӓ öy, berniçӓ sӓlamӓtlek saqlaw binası hӓm qalğan kritik asqorıma qorılmaları zıyan kürde hӓm cimerelde,” – dide.
Stefan Dyujarrik watandaşlarnıñ sӓlamӓtlek saqlaw oyışmalarına da telӓgӓnçӓ bara almawların açıqladı.
