Gitlernıñ säğate 1,1 million dollarğa satıldı
Säğat’neñ 1933nçe yılda Gitlerğa tuğan köne büläge bularaq birelüe farazlana
1861505
Naśist liderı Adol’f Gitlernıqı dip uylanıluçı säğat’ Amerika Quşma Ştatlarında uzğan aukśionda 1 million 100 meñ dollarğa satıldı.
“Independent” gazetınıñ xäbärenä qarağanda, säğat’ne Mêrilend ştatındağı Çesapik-sitida Aleksandr tarixi aukśion yortında satuğa quyalar.
Säğat’neñ 1933nçe yılda Gitlerğa tuğan köne büläge bularaq birelüe farazlana. Anı 1945nçe yılda Franśiyä ğaskäriläre naśist liderınıñ Bav’yera Al’plarındağı öye Bergoftan istälekkä ala. Östendä svastika häm AH baş xärefläre bar. Säğat’neñ Huber markası buluı belderelde.
Süz uñayınnan, anı satuğa çığarır aldınnan yähüd liderlar aukśion yortın tänqıyt’läde.
