Rusiyädä aq ayuğa yärdäm

Rusiyädä awızın konserv bankasınnan çığara almağan aq ayuğa yärdäm kürsätkännär.

Krasnoyarsk töbägendäge Dikson utrawında tabiğıy tormışnı küzätüçelär awızı konserv bankada qalğan ber ayunı kürde.  

Rusiyä Federaŝiyaseneñ Tabiğıy çığanaqlarnı tikşerü xezmäte maxsus törkemne boralaq belän Dikson şähärenä cibärde. Törkemdä veterinar da bar ide.

Törkemnär aq ayunı yoqlatıp, awızındağı bankanı iğtibarlı räweştä çığardı.

Qotıpta yäşäwçe ayu tabiğat’kä ırğıtılğan bankanı açarğa telägän, läkin konserv banka ayunıñ telen tişkän häm awızında qalğan.

Mäskäwdäge Zoopark veterinarı Mixail Alşineŝkiy bankanıñ ayunıñ telenä zıyan kiterüen äytep: “Tel astındağı tuqımalarnıñ zıyan kürmäwe öçen zur ixtimal belän sawığaçaq,” – dide.

Aq ayunı töbäktä küzätäçäklären beldergän veterinar ayuğa balıq häm törle rizıq qaldıruların da citkerde.