Açlıq häm yarlılıq belän köräş kiregä kitte

Global’ yarlılıq häm açlıq belän köräşneñ distälärçä yıllar däwam itkän progressı kiregä kitte. BMOnıñ iq’tisadi häm sośial’ şurası räise Kollen Kelapile beldergänçä, 2030nçı yılğa qadär, çiktän tış yarlılıq häm açlıqnı da kertep, ähämiyätle üseş maqsatların finanslawnı Rusiyä belän suğışuçı Ukrainağa xärbi häm aqçalata yärdäm cibärüçe Könbatış donor illär iğ’tibarsız qaldırır digän borçular arta.

Ul üseş, klimat häm bäreleş problemaları bulğan mäydannarnıñ finanslanuı kiräklegen äytte. Kelapile bu mäs’älälärgä citärlek iğ’tibar bulmasa, kiläçäktä tağın da yuğarı çığımnarğa kiteräçäge mäs’äläsendä kisätte. Belgeç citkergänçä, koronavirus kizüe, klimat üzgärü häm 24nçe fevral’dän birle baruçı Rusiyä-Ukraina suğışı arqasında global’ yarlılıq häm açlıq belän köräşneñ distälärçä yıllar däwam itkän progressı moñarçı kürelmägän räweştä kiregä kitte.

Kelapile Kovid-19 kizüe waqıtında burıçları artqan illär barlığın xäterlätte. Ul bay däwlätlärneñ yarlı illärneñ kizü arqasında burıçqa batuın niçek ciñeläytergä ikänen uylarğa tiyeşlegen assızıqladı.