Abe Şinzo öçen räsmi cenaza çarası oyıştırıla

Yaponiyäneñ üterelgän êlekkege xökümät räise Abe Şinzo öçen 27nçe sentyabr’dä räsmi cenaza çarası ütkäreläçäk. Bu xaqta ilneñ ministrlar kabinetı baş särqatibe Xirokaśu Maśuno belderde. Çaranıñ ütkärelü urını itep Tokiodağı yabulı Nippon Budokan arenası saylandı.

Abenıñ räsmi cenazasına çit illärdän dä däwlät ähelläre çaqırılaçaq. Tik älegä niçä keşe qatnaşaçağı äytelmäde.

Cenaza çarası turındağı qararğa oppoziśiyä liderları häm xalıqtan törle fikerlär yañğıradı.

Räsmi cenaza çarasına qarşı çıqqan ber ictimağıy törkem parlamenttan röxsät almıyça däwlät ütkärä torğan mondıy tantananıñ konstituśion ışanu iregen bozuın belderde.

İsgezgä töşertäbez, Şinzo Abeğa 8nçe iyül’dä ilneñ Nara şähärendä Liberal-demokratik partiyä kandidatınıñ saylaw kampaniyäsendä çığış yasağanda attılar. Kükrägennän awır yaralanğan säyäsätçene xastaxanägä alıp kittelär, tik qotqara almadılar.

Abe öçen 12nçe iyül’dä Tokionıñ üzägendäge Zojo-Ji buddist ğıybadätxanäsendä az keşe belän yabıq cenaza çarası uzdırıldı.