Putinnan yärdäm soradı

Şri-Lanka däwlät başlığı Gotabaya Rojapaksa iq’tisadi krizis belän köräşüçe ilenä kredit yärdäme soraw öçen Rusiyä liderı Vladimir Putin belän söyläşte. Ul bu xaqta Twitterda da yazdı.

Rojapaksa söyläşüneñ näticäle uzuın belderde. Şri-Lanka başlığı Rusiyädän kreditnı yağulıq importlaw öçen sorıy.  İl xalqı xäzerge waqıtta yağulıq probleması, êlektr özeklege, azıq-tölek häm transport bäyäläre artu arqasında awır könnär kiçerä.

Xökümät räise Ranil Vikremesingxe 22nçe iyün’dä yasağan belderüendä il iq’tisadınıñ cimerelüen häm neft’ satıp alu öçen dä tüli almawların citkerde.

İl, Xalıqara valyuta fondı belän qotqaru paketı söyläşüläreneñ näticäsen kötmiçä, bıyıl prośentları kilgän 7 milliard dollarlıq tışqı burıçın tüli almawın belderde. Şri-Lankanıñ 2026nçı yılğa qadär här yıl urtaça 5 milliard dollar tüläwe kiräk.