Köçle yawım - töşemnär 20 keşeneñ ğomeren özgän

Paqıstannıñ Bälücistan töbägendä köçle yañğır arqasında ğomeren yuğaltqan keşelär sanı 20 gä citkän.

Cirle matbuğattağı xäbärlärgä qarağanda, räsmi zatlar Ketta şähärendä kiçädän birle tağın 10 keşeneñ ğomere özelüen , ülüçelär sanınıñ 20 gä citüen beldergän.

Köçle yawım-töşemnär arqasında Kettada ber yortnıñ tübäse cimerelgän , ber ğailädän 6 xatın - qız ülgän.

Şähärneñ törle poçmaqlarında su basudan 4 keşeneñ üle gäwdäläre tabılğan.

Sariab Mills rayonında 50 kirpeç yort cimerelgan, tawlı Müslim Bağ cirlegendä 100 yort zıyan kürgän, yullar su astında qalğan.

Xuşnob awılında küper cimerelgän, igen qırları zıyan kürgän.

Quätle yañğır Vad, Sarona,Xub,Utal häm Bela töbäklärendä asqormağa zıyan salğan , êlektr ênergiyäse özelgän.

Kettada kiçä köçle yawım-töşemnär kiterep çığarğan qazalarda 10 keşe ğomeren yuğaltqan , şähärdä ğadättän tış xäl iğ’lan itelgän ide.