Kanada Şveśiyä belän Finlyandiyäne xupladı
Kanada älege ike ilneñ NATOğa kerüen raslawçı dokumentlarnı tapşırğan berençe däwlät
Kanada Şveśiyä belän Finlyandiyäneñ NATOğa kerüen xupladı. Xökümät räise Djastin Tryudo älege ike däwlätneñ protokolların raslawların xäbär itte. Ul federal’ xökümätneñ uñaylaw prośessın tiz uzdıru öçen tırışlıq quyuın da belderde. Parlamentta Şveśiyä belän Finlyandiyäneñ NATOğa kerüe bertawıştan qabul itelgän.
Djastin Tryudo fikerençä, alege ike däwlätneñ ittifaqqa quşıluı anı tağın da köçle xälgä kiteräçäk. “Barlıq NATO äğ’zaların doşmannarnıñ forsatların çikläw öçen prośesslarnı tiz arada tögällärgä çaqırabız,”-di ul.
Kanada häm Daniyä NATOğa kerüçelärne xuplağan berençe däwlätlär buldı.
Şveśiyäneñ Ottavadağı ilçese Urban Axlin sośial’ media aşa bolay dip citkerde: “Räxmät, Kanada! Kanada raslaw dokumentın Tön’yaq Atlantik Kileşüeneñ ämanätçese bulğan AQŞ tışqı êşlär ministrlığına tapşırğan berençe däwlät”.
Şveśiyä häm Finlyandiyä, 28nçe iyün’dä Törkiyä belän kileşkännän soñ, NATOğa tulısınça äğ’za bulu öçen möräcäğat’ itte. İke däwlätneñ dä äğ’zalıq statusın aluı öçen ğarizanıñ NATOğa kerüçe barlıq illärneñ parlamentında tawışqa quyıluı häm qabul itelüe kiräk.
