Şveśiya: “Törkiyäneñ terror borçılularına bik citdi qarıybız”
Şveśiya tışqı êşlär ministrı Ann Linde Törkiyäneñ terror mäs’äläsendäge borçılularına bik citdi qarawların äytte
Linde Şveśiyanıñ NATO mäs’äläsendä Törkiyä belän ütkärgän söyläşülär xaqında SVT däwlät televideniyäsenä açıqlawlar yasadı.
İspaniya başqalası Madridta sişämbe könne başlanaçaq NATO sammitı waqıtında ütkäreläçäk söyläşülärneñ uñay uzaçağın uylawın citkerüçe Linde:
"Normal’ söyläşüdä bulğanı kebek qayber mäs’älälärdä bez başqaça uylıybız. Moña qaramastan ber-berebezneñ qaraşların xörmät itep, kileşü yulın taba alırbız. Bez Törkiyäneñ terrorçılıq mäs’äläsendäge borçılularına bik citdi itep qarıybız”, - dip belderde.
“PKK” terror oyışması xaqında Törkiyä belän ber ük qaraşta buluların iskärtep uzuçı Linde bu mäs’älädä dä citdi bulularınıñ Törkiyä tarafınnan da kürenüen uylawın äytte.
Şveśiyanıñ qoral êksportı mäs’äläsendä dönyanıñ iñ qatğıy qağıydälärenä iyä buluın belderüçe Linde: "Törkiyä belän ber-berebezne saqlayaçaq xärbi ittifaqqa kersäk, aña qarap qarar qabul iteler. Alğa taba qarawçı anıq adımnar yasawıbız öçen dä forsatlar bar”, - dide.
