AQŞ: “Törkiyäneñ rolen xuplıybız”
Amerika Quşma Ştatlarında Aq Yortnıñ Milli İminlek şurası strategik êlemtä koordinatorı Djon Kirbi Törkiyäneñ Rusiyä-Ukraina suğışı arqasında barlıqqa kilgän aşlıq krizisın xäl itü öçen uynağan rol’ne qanäğät’ bulıp qarşılawların äytte
Djon Kirbi köndälek press-brifingında 24nçe fevral’dän birle däwam itüçe Rusiyä-Ukraina suğışın, (Germaniyada 26nçı-28nçe iyün’dä uzaçaq) G7 häm (İspaniyada 29nçı-30nçı iyün’dä ütkäreläçäk) NATO sammitların bäyäläde.
Rusiyä-Ukraina suğışı arqasında böten dönyada xasil bulğan aşlıq krizisınıñ G7 sammitınıñ kön tärtibe mäs’älälärennän berse bulaçağın belderüçe Kirbi Djo Bayden citäkçelegeneñ bu mäs’äläneñ çişeleşe öçen tırışlıq sarıf itüen iskärtep uzdı.
Kirbi: "Töreklär dä bu mäs’älädä urıslar belän söyläşä. Törkiyäneñ bu mäs’älädäge rölen qatğıy räweştä xuplıybız. Törkiyä awıl xucalığı êşlänmäläreneñ diñgez yulı belän alıp barıluı öçen qayber tırışlıqlar sarıf itä”, - dip äytte.
NATO sammitınıñ töp kön tärtibe mäs’äläläreneñ berseneñ dä Finlyandiya belän Şveśiyanıñ äğ’zalek möräcäğäte bulaçağına basım yasawçı Kirbi:
"Bez Törkiyäneñ, Şveśiyanıñ häm Finlyandiyanıñ üz aralarındağı mäs’älälärne xäl itäçägenä häm Finlyandiya belän Şveśiyanıñ NATOğa quşılaçağına ışanabız. Läkin min sezgä monıñ waqıtın äytä almıym”, - dip belderde.
