Ukraina Rusiya Federaśiyäse watandaşlarına qarata viza qullanunı ğamälgä kertä
Bu xaqta Ukraina däwlat başlığı Volodimir Zelenskiy belderde
Ukraina däwlat başlığı Volodimir Zelenskiy Rusiya watandaşlarına vizanı ğamalgä kertü qararına kilülären belderde.
Ul Telegram kanalında Ukraina belän Rusiya arasında vizasız säyäxätkä qağılışlı belderü yasap anıñ betereläçägen citkerde.
“Ukraina Rusiya Federaśiyäse watandaşlarına qarata viza qullanunı kertä. Däwlätebezneñ milli qurqınıçsızlığı , möstäqil’lege häm cir bötenlegenä moñarçı kürelmägän qurqınıçlarğa qarşı köräş qısalarında ministrlar şurasına Rusiya watandaşlarınıñ Ukraina cirlärenä kerüen üzgärtergä täq’dim ittem. Ministrlar şurasınıñ Rusiya belän Ukraina arasındağı vizasız säyäxät kileşüen ğamäldän çığaru turında qarar qabul itüe kötelä” dide Ukraina däwlät başlığı.
Zelenskiy Rusiya watandaşlarına Ukraina cirlärenä barğanda viza alunıñ 1 iyül’dän ğamäldä bulaçağın da citkerde.
