Zelenskiy Zaporoj'yeğa säfär yasadı

Ukraina däwlät başlığı Volodimir Zelenskiy Xarkov’ şähärennän soñ Zaporoj’yeğa säfär yasadı häm front sızığındağı berleklär belän oçraştı.  “Zur êşçänlekläregez, xezmätegez, barıbıznı häm däwlätebezne saqlawığız öçen sezgä räxmät belderäm” dide ul.

Zelenskiy Rusiyä höcümnärendä ğomere özelgän ukrainalı xärbilär öçen 1 minut tın tordı.

İlbaşı töbäktäge ber mediśina ob’yektın da barıp qaradı. Anda Zelenskiy Mariupol’dän êvakuaśiyälänğän keşelär belän küreşte. Ul cirlären taşlap kitärgä mäcbür buluçılarnı qabat uñaylı räweştä urnaştıru öçen êşçänlek başlarğa süz birde.    

Ukraina liderı 29nçı mayda Rusiyä höcümnärennän iñ nıq zarar kürgän Xarkov’ qalasına barğan ide. Ul, şulay itep, suğış başlanğan könnän birle täwge tapqır Kiyev tışına çıqtı.