Yanğınnı iğtibarsızlıq arqasında sünderä almıylar

Bangladeşta 4nçe iyun’ könne ber depoda çıqqan häm haman da sünderelmägän yanğınnıñ ximik äyberlärneñ yalğış êtiketlanuı arqasında çığuı belderelde.

BBC beldergänçä Bangladeşlı räsmi zatlar Çittagong şähärendä konteyner deposında urnaşqan vodorod peroksidılarına yalğış êtiket quyıluın häm monı belmägän yanğın sünderüçelärneñ yanğınnı kübek tügel ä su belän sünderüen belderde.

Yalğış sünderü näticäsendä yanğınnıñ köçäyüen äytkän räsmi zatlar qazadan depo şirkäten cawaplı tottı.

Monnan alda 49 bularaq açıqlanğan ülüçelär sanı qayber mäyetlärneñ ike tapqır sanaluı arqasında 41 bularaq yañartıldı.

300 keşe yaralanğan yanğın belän bäyle tikşerü bara.