Zelenskiy: "Rusiyä 200 meñnän artıq ukrainalı balanı urladı"

Ukraina däwlät başlığı Volodimir Zelenskiy Rusiyäneñ 200 meñnän artıq ukrainalı balanı urlawın äytte.

“Rusiyä olılarnı da, balalarnı da mäcbüri alıp kitä. Bu Rusiyäneñ iñ cirängeç suğış cinayät’lärennän berse. Rusiyä suğışnıñ başınnan birle yätimxanädä qalğan häm ata-anasınnan ayırıp tulayım 200 meñnän artıq ukrain balasın urladı,”-dide Zelenskiy. Ul älege balalarnıñ yäşägän cirlärennän alınıp Rusiyäneñ yıraq töbäklärenä urnaştırıluın citkerde.

“Bu cinayät’ säyäsäteneñ maqsatı barı keşelärne urlaw tügel, urlanğan keşelärgä Ukrainanı onıttıru häm kire qaytularına kirtä quyu,”-di Ukraina liderı.

Şul uq waqıtta Zelenskiy höcümnär başlanğannan birle suğışta 689 balanıñ yaralanuın belderde. “Bu barı bez terki alğan san ğına. Xäzerge waqıtta basıp alınğan töbäklärdän kilüçe barlıq mäğ’lümatqa ireşä almıybız,”-dide ul.