Kaddafinıñ ğailäsenä säyäxät röxsät itelde
BMOnıñ İminlek şurası 2011nçe yılnıñ 27nçe fevralendä bertawıştan Muammär Kaddafi häm anıñ ğailäse belän yaqınnarın da kertep 16 keşegä yäşägän cirlärennän kitüne tıyğan ide
Berläşkän Millätlär oyışmasınıñ İminlek şurası Liviyäneñ tüntärelgän liderı Muammär Kaddafinıñ xatını Safiyä, qızı Ayşä häm ulı Möxämmätkä altı ayğa säyäxät röxsäte birüen belderde. Ul 1nçe iyün’nän 30nçı noyabr’gä qadär ğamäldä qalaçaq. Bu xaqta BMO İminlek şurasınıñ räsmi internet säxifäsendä yazıla.
Kaddafinıñ ğailäseneñ älege 3 keşese häm alar baraçaq illär BMOğa bu xaqta belderep torırğa tiyeş bulaçaq. İminlek şurasınıñ Liviyä komitetı, kiräk bulğan oçraqta, älege säyäxät röxsäteneñ ozaytıla aluın da citkerde.
BMOnıñ İminlek şurası 2011nçe yılnıñ 27nçe fevralendä bertawıştan Muammär Kaddafi häm anıñ ğailäse belän yaqınnarın da kertep 16 keşegä yäşägän cirlärennän kitüne tıyğan ide.
Bäyläneşle xäbärlär
Soğud Ğaräbstanı Süriyägä ilçe bilgeläde
Soğud Ğaräbstanı 12 yıldan soñ Süriyä başqalasına tulı wäqalätle ilçe bilgeläde