"Törkiyä Süriyädä bulğan waqıyğalarğa bitaraf qala almıy"
Bu xaqta Rusiya tışqı êşlär ministrı Sergey Lavrov belderde
Rusiya tışqı êşlär ministrı Sergey Lavrov Törkiyäneñ Süriyädä bulğan waqıyğalarğa bitaraf qala almawın äytte.
Ul “Russia Today”nıñ ğaräp saytına birgän interv’yusında Süriyädäge Rusiya ğaskärläre xaqında bolay dide: “Bez ilneñ räsmi däwlät başlığı häm legal’ xökümätneñ quşuı buyınça Süriyädä. Bez Berläşkän Millätlär Oyışması kileşüläre nigezendä häm BMO iminlek şurasınıñ 2254 nomerlı qararın ğamälgä aşırabız”.
Lavrov Süriyädä törle illärneñ köçläre barlığın belderep,” AQŞ ğaskärläre haman da Färat yılğasınıñ könçığış yarınıñ küpçelek öleşen bili. Anda güyä däwlät tözergä tırışalar, bülenüne yaqlıylar häm töbäktä qayber Ğıyraq kördläreneñ xislären qullanalar. Bu räweşle ğıyraqlı häm süriyäle kördlärne berläştergan strukturada problemalar tudıralar” dide.
Rusiya tışqı êşlar ministrı Sergey Lavrov bu xälneñ töbäktä kiyerenkelek tudırğanına basım yasap,” Törkiyä ,älbättä, bolarğa bitaraf qala almıy. Bez bu problemalarnıñ Süriyäneñ bäysezlegenä häm cir bötenlegenä xörmät kürsätü qısalarında xäl itelüen telibez” dide.
