"Rusiyä qırğıylıqları öçen cawap biräçäk"

Awrupa Berlege Ukrainanıñ Lugansk töbägendä ber mäktäpkä Rusiyä yasağan höcümne ğayepläp: “qırğıylarğa qılğan ğamälläre öçen Rusiyä idaräseneñ cawap biräçägen” belderde.   

AB şurası başlığı Çarl’z Mişel’ G7 illäre liderlarınıñ telekonferenśiyä cıyılışınnan soñ sośial’ mediada belderülär yasadı. Ul utırışta Rusiyäneñ Ukrainağa qarşı 24nçe fevral’dän birle baruçı höcümnärenä qarata adımnarnı koordinaśiyäläwlären äytte.

 “Luganskida mäktäpkä höcümne dä kertep Rusiyä rejimınnan zalimlekläre öçen cawap sorayaçaqbız,”-dide Mişel’.

Ul Ukrainağa tağın da kübräk yärdäm itäçäklären, ilne qabat torğızu öçen kön üzägenä quyılğan Marşall planınıñ kiräk bulaçağın belderde.

Awrupa Berlege tışqı mönäsäbätlär häm iminlek säyäsäte yuğarı wäkile Djozef Borrel’ dä sośial’ mediada Luganskidağı mäktäpkä höcümne ğayepläde. Ul bik küp balanıñ ülüe turında xäbärlär kilüen xäterlätte.  

“Awrupa Berlege Rusiyäneñ grajdanlılarnıñ ğomeren sanğa suqmawın ğayepli häm bu höcümne oyıştıruçılarnı xökemgä tartu tırışlıqların yaqlıy”-dip yazdı Djozef Borrel’.

Ukrainanıñ Lugansk töbäge gubernatorı Sergey Gayday Belogorivka awılındağı ber mäktäpneñ 7nçe mayda Rusiyä köçläreneñ hawa höcümendä cimerelüen, anıñ sıyınu urınına kerep qaçqan 60 keşeneñ ülgän bulu ixtimalın xäbär itkän ide.