Ukrainada Rusiyä armiyäseneñ ğamälläre

Rusiyä saqlanu ministrlığınıñ räsmi wäkile İgor’ Konaşenkov İskändär raketa sisteması belän Xarkov’tağı Krasnograd häm Karlovka vokzalları tiräsendä AQŞ häm Konbatış illärennän kilgän qorallarnıñ, xärbi texnikanıñ yuq itelüen belderde.

Ul, şulay uq, hawadan häm diñgezdän oçırtılğan yuğarı tögällekkä iyä qorallar belän Arśiz, Odessa häm Voznesensk töbäklärendäge xärbi aêroportlarnı bärülären citkerde. Anda Ukraina hawa köçlärenä qarawçı keşesez hawa apparatları häm başqa aviaśiyä qoralları bulğan.

Konaşenkov äytüençä, Rusiyä hawa taktik höcüm berlekläre Yılan utrawı tiräsendä Ukrainanıñ Su-24 bombalaw oçqıçın, Su-27 awçı oçqıçın, êçendä ğaskärilär bulğan Mi-8 törendäge 3 boralaq häm 3 keşesez hawa apparatın bärep töşergän. Ul Ukrainanıñ “Stanislav” kanonerkasın da yuq itülären assızıqladı.

Rusiyä saqlanu ministrlığınnan Mixail Mizinśev beldergänçä, BMO häm Xalıqara Qızılxaç oyışması qatnaşında Mariupol’däge Azovstal’ metallurgiyä êşxanäsennän 5nçe naydan birle 51 grajdanlı êvakuaśiyälängän.