BMO:" Ukraina portları açılırğa tiyeş"
BMO Bötendön’ya azıq-tölek programması Ukrainada citeşterelgӓn azıq-tölek produktların başqa illӓrgӓ ireşterü öçen Odessa töbӓgendӓge portlarnı tiz arada açarğa öndäde
Berlӓşkӓn Millӓtlӓr Oyışması Ukrainada citeşterelgӓn azıq-tölek produktların başqa illӓrgӓ ireşterü öçen Odessa töbӓgendӓge portlarnı tiz arada açarğa çaqırdı.
BMO Bötendön’ya azıq-tölek programmasınıň bu xaqtağı yazmaça belderüendӓ başqarma direktor Dêvid Bislineň tübӓndӓge süzlӓre urın aldı:
”Xӓzerge waqıtta Ukrainanıň aşlıq saqlağıçları tulı. Şul uq waqıtta dön’ya külӓmendӓ 44 million keşegӓ açlıq qurqınıçı yanıy. Azıq-tölek Ukrainağa kerep çığa alsın öçen bez bu portlarnı açarğa tiyeş. Dön’ya monı talӓp itӓ, çönki dön’yada yözlӓrçӓ million keşe bu çığanaqlarğa bӓyle. Waqıt betӓ hӓm bu yünӓleştӓ bernӓrsӓ êşlӓmӓwneň nӓticӓlӓre kötelgӓnnӓn küpkӓ naçar bulaçaq”.
BMO Bötendön’ya azıq-tölek programması dön’ya külӓmendӓ 276 million keşeneň açlıqtan integüen, Ukrainadağı suğış dӓwam itsӓ, bu sannıň 47 millionğa artaçağın kisӓtte.
Oyışma bilgelӓp ütkӓnçӓ, suğıştan êlek Ukraina citeştergӓn azıq-tölek 400 million keşene tuqlandırır öçen citӓrlek bulğan hӓm ul Qara diňgez portları aşa êksportlanğan.
