"Rusiyä Awrupağa turıdan-turı yanıy"

Awrupa Berlege komissiyäse başlığı Ursula fon der Leyen Rusiyäneñ Ukrainadağı agressiyäseneñ Awrupanıñ iminlegenä turıdan-turı yanaw tudıruın äytte. Ul Hindstan başqalası Yaña Dählidä oyıştırılğan konferenśiyädä çığış yasadı.

Ursula fon der Leyen Rusiyäneñ Ukrainağa qarşı säbäpsez häm xaqsız agressiyäseneñ strategik uñışsızlıq bulaçağın assızıqlap bolay dide: “Ber ğayepsez tınıç xalıqnı nişanğa alıp üterü, köç qullanıp çiklärne yañadan sızu, bäysez xalıqnıñ ixtiyarın kontrol’dä totu BMOnıñ töp prinśiplarına qarşı kilä”. Ul Awrupa Berlegeneñ Ukrainanıñ bäysezlege öçen suğışuına yärdäm itü öçen qulınnan kilgän här närsäne êşläwen belderde. “Şul säbäple kisken, zur häm täêsirle sankśiyälär kertüebez kiräk ide,”-dide fon der Leyen. Ul, şulay uq, sankśiyälärneñ üzläreneñ genä çişeleş bulmawın da, bolarnıñ daimi tınıçlıq kiteräçäk diplomatik çişeleşkä ireşü öçen Awrupa Berlegenä köç birüçe tağın da kiñ strategiyäneñ öleşe ikänen söyläde.