Dön'yanıñ iñ qart keşese wafat

Dön’yanıñ iñ qart keşese bularaq qabul itelgän yapon xatın Tanaka Kane 119 yäşendä dön’ya belän xuşlaştı.

Milli matbuğatta çıqqan xäbärlärgä kürä Ginnes rekordları tarafınnan 2019nçı yılnıñ mart ayında “dön’yanıñ iñ qart keşese” däräcäse birelgän Tanaka ülde.

Fukuoka vilayätendäge qartlar yortında yäşägän Tanaka keşelär belän mimikaları yärdämendä êlemtä qora ide.

Ğıynwar ayında 119 yäşen tutırğan Tanakanıñ pazl tözüe, şokolad häm gazlı êçemleklär yaratuı belderelgän ide.

Tanaka 1903nçe yılnıñ 2nçe ğıynwarında dön’yağa kilä. Ğailädä 7nçe bala bulıp tua. 19 yäşendä kiyäügä çıqqan Tanakanıñ tormış iptäşe häm ulı 1937dä Qıtay-Yapon suğışında frontka cibärelä.

Tanakadan alda dön’yanıñ iñ qart keşese 2018nçe yılnıñ iyulendä 117 yäşendä wafat bulğan Çyo Miyako bulğan ide.