Rusiyä Mariupol'ne qulğa töşerde

Rusiyä saqlanu ministrlığı Ukrainanıñ Mariupol’ qalasın qulğa töşerülären alğa sörä.

Rus xäbär agentlığı citkergänçä, saqlanu ministrı Sergey Şoygu däwlät başlığı Vladimir Putinğa Mariupol’ne basıp aluların beldergän. Ul 1478 xärbineñ täslim buluın, şähärdäge Azovstal’ êşxanäsendä äle xaman 2 meñnän artıq ukrainalı suğışçı barlığın, anıñ imin räweştä qamap alınuın söyli.

Şoygu Putinğa Mariupol’dän 142 meñnän artıq grajdanlınıñ êvakuaśiyälänüe, qalada wäzğıyät’neñ tınıç buluı turında xisap birä.

Putin isä Mariupol’däge uñışlı operaśiyä säbäple Şoygunı täbrik itä. “Mariupol’ne qulğa töşerü zur uñış, Azovstal’dän çığuçı ukrainalılarnıñ tormış iminlege täêmin iteläçäk,”-di Rusiyä liderı. Ul êşxanägä basqın yasamasqa, qamap alırğa ämer birgän ide.