Patşabikägä 96 yäş' tuldı

Böyekbritaniyä tarixında iñ ozaq waqıt täxettä utırğan monarx patşabikä Êlizabet İkençe tuğan könen bäyräm itä. Aña 96 yäş tuldı. Älege xörmätkä Londonnıñ Gayd parkında tuplardan attılar.

Angliyä xökümäte räise Boris Djonson, töp oppoziśiyädäge Êşçe partiyäseneñ liderı Keyr Starmer, şulay uq, ministrlar häm deputatlar sośial’ mediada patşabikäneñ tuğan könen qotlap yazmalar urtaqlaştı.

Böyekbritaniyä täxetendä 70 yıl utıruçı Êlizabet İkençeneñ atlar belän qızıqsınuı mäğ’lüm. Tuğan köne uñayınnan anıñ Vindzor qal’gäsendä ike poni belän töşkän fotosı çıqtı.

Patşabikä tuğan könendä Norfolkta Britaniyä dinastiyäse 4 näsel buyı qullanğan Sandringem utarında ğailäse häm dusları belän bäyräm itäçäk.  

Patşabikäneñ täxetkä utıruınıñ 70 yıllığı isä “Platin yubiley” iseme astında bıyıl bäyräm iteläçäk.