İtaliyä ilçelegen qabat Kiyevqa küçerde

İtaliyäneñ, Rusiyä başlağan suğış säbäple, Ukrainanıñ L’vov şähärenä küçergän ilçelege qabat başqala Kiyevta êşçänlegenä kereşte.  

İtaliyä tışqı êşläre ministrlığınıñ Twitter akkauntındağı yazmasında bayraqlarınıñ Kiyevqa qaytuı söyençese citkerelä.  

“İlçe P’yer Françesko Zazo häm törkeme Ukraina däwlät oyışmalarına yaqın bulu, ildäge ital’yannarğa yärdäm itü, dialognı köçäytü, doşmanlıqlarnı beterüçe häm tınıçlıqqa êtärüçe çişeleşlär öçen ilçelekne başqalağa küçerä” diyelä anda.

İtaliyäneñ Kiyevtağı ilçese Zazo da, Ukrainadağı bäreleşlärgä 50 kön bulğanda, ilçelekne qabat başqalağa küçerep ömet tulı mizgellär kiçerülären äytte.