Zelenskiyğa kümäk säfär
Pol’şa, Litva, Latviya häm Êstoniya liderları Kiyevka kilde
Ukraina ilbaşı Vladimir Zelensky kiçä Ukraina başqalası Kiyevka poyezd belän kilgän Pol’şa, Litva, Latviya häm Êstoniya däwlät başlıqları belän küreşte.
Söyläşüdän soñ Zelenskiy Andjey Duda, Gitanas Nauseda, Êgils Levits häm Alar Karis belän bergä matbuğat oçraşuı oyıştırdı.
Matbuğat oçraşuında çığış yasağan Ukraina liderı Pol’şa, Litva, Latviya häm Êstoniyaneñ härwaqıttağıça kebek 24nçe fevral’da da Ukrainanı berençe itep xuplağan illär buluın äytte.
“Pol’şa, Litva, Latviya häm Êstoniya härwaqıt däwlätebez yanında. Bu 4 däwlätneñ Ukrainanıñ kiläçägendä berençe itep urın alaçağına ışanam häm bezneñ böyek kiläçägebez bar, çönki mondıy partnyerlar häm duslar belän bez qatğıy räweştä ciñäçäkbez. Ukraina öçen bu awır waqıtta yasalğan bu möhim säfär öçen härberegezgä räxmätemne belderäm,” – dide ilbaşı.
