Yaponiya häm Greśiya: “Suğış – xalıqara xoquqnı bozu”
Yaponiya häm Greśiya tışqı êşlär ministrları "xalıqara xoquqnı bozu” bularaq bäyälägän Rusiyäneñ Ukrainağa iğ’lan itkän suğışqa qatğıy räweştä qarşı çığu mäs’äläsendä kileşte
Yaponiya tışqı êşlär ministrı Hayaşi Yoşimasa başqala Tokioğa kilgän grek wazıyfadaşı Nikos Dendias belän söyläşüe waqıtında ike yaqlı häm regional’ mönäsäbätlärne tikşerde.
Söyläşü waqıtında ike ministr "xalıqara xoquqnı bozu” bularaq bäyälägän Rusiyäneñ 24nçe fevral’dä Ukrainağa iğ’lan itkän suğışqa qatğıy räweştä qarşı çığu mäs’äläsendä urtaq fikergä kilde.
Hayaşi oyıştırılğan urtaq matbuğat oçraşuında, Rusiyäneñ kürşesenä iğ’lan itkän suğışnıñ xalıqara tärtip nigezenä qurqınıç tudıruın belderep, xalıqara cämäğätçelekne moña qarşı teläktäşlek êçendä bulırğa çaqırdı.
Ministr Hayaşi: "Töp qıymmätlärne urtaqlaşqan urtaq fikerle illärneñ xoquqqa nigezlängän, irekle häm açıq xalıqara tärtipne saqlawğa häm üsterügä qağılışlı söyläşülärne arttıraçağına ışanam”, - dip äytte.
Dendias da, ber ilneñ bäysezlegenä qarşı köç qullanuğa qarşı çığuların belderep, Rusiyä-Ukraina krizisı belän bäyle bularaq Yaponiyanñ totışın qanäğät bulıp qarşılawların citkerde.
Tön’yaq Koreyanıñ soñğı waqıtta arttırğan raketa sınawların kisken räweştä gäyıpläwçe Dendias monıñ tulısınça qabul itelmäslek buluına basım yasadı.
Greśiya ministrı Yaponiya Baş ministrı Kişida Fumionıñ berençe forsatta ilenä säfär yasawın kötülären belderde.
