Burkina - Fasoda qabat ğadӓttӓn tış xӓl iğ’lan itelӓçӓk

Burkina - Fasoda terrorğa qarşı körӓş qısalarında il külӓmendӓ qabat ğadӓttӓn tış xӓl iğ’lan itelӓçӓk.

Ğadalӓt ministrı Bartelemi Kere beldergӓnçӓ, 24 nçe ğıynwardağı xӓrbi tüntӓreleştӓn soň tuqtatılğan ğadӓttӓn tış xӓl ildӓ yaňadan ğamӓldӓ bulaçaq.

Kere ğadӓttӓn tış xӓlne tormışqa aşıru öçen yaňa qararnamӓ çığarılaçağın , monıň terrorğa qarşı nӓticӓlerӓk körӓşergӓ mömkinlek birӓçӓgen ӓytte.

Kürşe il Malidağı “Ӓl Qaidӓ” hӓm “DEAŞ” belӓn bӓylӓneşle terrorçı törkemnӓr 2015 nçe yıldan birle Burkina - Fasonıň tön’yağında hӓm könçığışında bik yış höcümnӓr oyıştıra.

Xökümӓt mӓğ’lümatlarına qarağanda, 2015 nçe yıldan 2021 nçe nçe yılnıň dekabrenӓ qadӓrge höcümnӓrdӓ 2 meň keşeneň, şul isӓptӓn 600 iminlek xezmӓtkӓreneň ğomere özelgӓn.

Höcümnӓr arqasında 3 meň 683 mӓktӓp yabılğan, 1 million 814 meň 283 keşe öylӓren taşlap kitӓrgӓ mӓcbür bulğan.