Rusiyä Kramatorsk vokzalına höcüm itkän, tınıç xalıqtan küp sanda ülüçe bar
Ukraina iminlek xezmäte wäkile Artem Dextiarenko Doneśk töbägenä bäyle Kramatorsk şähäreneñ poyezd stanśiyasına Rusiyä köçläre oyıştırğan raketa höcümendä êvakuaśiyanı kötkän 4se bala cämğıse tınıç xalıqtan 39 keşeneñ häläq’ buluın belderde
Dextiarenko “Facebook” akkauntınnan: "Raşistlar Kramatorsktağı vokzalğa ut açtı. 4se bala 39 grajdan ülde," – mäğ’lümaten urtaqlaşıp, waqıyğa belän bäyle tikşerü başlatıluın citkerde.
Kramatorsk şähär xakimiyäte başlığı Aleksandr Gonçarenko höcümdä yaralanuçılarnıñ kübeseneñ xäleneñ awır buluın, qayberäwläreneñ qulların häm ayaqların yuğaltuın açıqladı.
Gonçarenko xastaxanälärneñ yaralanuçılarnı däwalaw öçen ölgerä almawın, yaqınça 40 tabibnıñ cäräxätlängännärgä operaśiya yasawın citkerep, höcüm waqıtında vokzalda tınıç xalıqtan yaqınça 4 meñ keşeneñ buluın äytte.
Ukrainada Doneśk töbägenä bäyle Kramatorsk şähäre vokzalına Rusiyä xärbi köçläre oyıştırğan raketa höcümendä êvakuaśiyälänüne kötkän tınıç xalıqtan 30dan kübräk keşe ülgän, 100dän kübräk grajdan yaralanğan.
Ukraina timeryullarınıñ “Telegram” kanalınnan yasalğan belderüdä:
"Kramatorsk vokzalına 2 raketa turı kilde. Berençe mäğ’lümatlärgä kürä, 30dan kübräk sivil ülde, 100dän kübräk grajdan yaralandı," – dip citkerelde.
Höcüm belän bäyle bularaq urtaqlaşılğan sürätlärdä vokzalda çemodannarı belän bergä bulğan tınıç xalıqnıñ häm vokzal wazıyfalılarnıñ qan êçendä cirdä yatuı kürenä.
Doneśk gubernatorı Pavel Kirilenko vokzalğa kasset bombalarınnan torğan “İskändär” raketası belän höcüm yasaluın belderde.
