Rusiyä Ukrainada kasset bombası qullandı
BMO üzendä monıñ dälilläre buluın belderde
1807707
BMO Rusiyäneñ Ukrainadağı toraq punktlarğa kimendä 24 tapqır kasset bombası atuın belderde. Oyışma qulında monıñ belän bäyle ışanıçlı dälillär bar.
BMOnıñ säyäsi êşlär öçen cawaplı ğomum särqatibe urınbasarı Rozmari di Karlo matbuğat belän oçraşuda Rusiyäneñ 24nçe fevral’dä Ukrainağa qarşı başlağan suğışında kimendä 1480 grajdanlınıñ ülüen, 2 meñ 195 keşeneñ isä yaralanuın söyläde. Ul ğaskärlärilärne censi bäylänü häm köçläwdä ğayepläwlär barlığına da iğ’tibarnı cälep itte.
BMOnıñ gumanitar êşlär öçen cawaplı ğomum särqatibe urınbasarı Martin Griffits isä Mariupol’ şähären cähännämgä oxşattı. Anıñ äytüençä, Ukrainada yäşäwçelärneñ dürttän berse ildän kitte.