Marsta tawış tizlege Cirdägedän äkrenräk
Monnan tış, Qızıl planetada ike törle tawış tizlege bar
1807696
Marsta tawış tizlegeneñ Cirgä qarağanda tağın da äkren buluı açıqlandı. Belgeçlär monı NASAnıñ tikşerenü apparatı “Perseverans”qa berketelgän mikrofonnar terkägän yazmalarnı tikşergännän soñ añladı.
Näticäläre “Nature” jurnalında basılıp çıqqan êşçänlektä fän ähelläre apparatnıñ Marsqa töşep utırğannan soñ ber kön ütügä – 19nçı fevral’dän başlap terkägän tawışlarnı qarıy. Anda Marstağı tawış tizlegeneñ, Cirgä qarağanda, sekundına 100 metrğa äkrenräk buluı açıqlana. Monnan tış, Qızıl planetada ike törle tawış tizlege buluı kürenä.Yuğarı häm tübän tavışlarnıñ tizlekläre ber-bersennän ayırıla.
Tikşerenüçelär fikerençä, Marstağı unikal’ tawış moxite tübän atmosfera öslege basımına bäyle.
