“Türkiye – regional’ köç,Türkiye belӓn mönӓsӓbӓtlӓrebez bik yaxşı”

Kreml’ süzçese Dmitriy Peskov Belarus’ dӓwlӓt televideniyesenӓ birgӓn interv’yusında Rusiya - Ukraina arasındağı söylӓşülӓrneň İstanbulda ütkӓrelüe qısalarında Türkiye - Rusiya mönӓsӓbӓtlӓrenӓ dӓ tuqtaldı.

Peskov Türkiye ilbaşı Ӓrdoğannıň böyek hӓm köçle sӓyӓsi lider buluın belderep, “Türkiye – regional’ köç. Türkiye belӓn mönӓsӓbӓtlӓrebez bik yaxşı” dide.

Rusiya belӓn Türkiye arasındağı mönӓsӓbӓtlӓrdӓ törle qaraşlarnıň buluın hӓm qayber mӓs’ӓlӓlӓrdӓ  ike ilneň ber-bersen tulısınça aňlıy almawların ӓytüçe Dmitriy Peskov, bolarnıň barısına da qaramastan, partnyerlıq mönӓsӓbӓtlӓreneň ike yaqlı mӓnfӓğӓt’lӓr nigezendӓ östenlek itüen , bu rӓweşle ike ilneň zur iq’tisadi proyektlar östendӓ êşlӓwen ӓytte.

Peskov:”Turkiye hӓrwaqıt zur regional’ köç buldı hӓm ul ozaq yıllar NATO ӓğ’zası. Lӓkin ayıruça Ӓrdoğan ilbaşı bulğan waqıtta Türkiye NATOğa ӓğ’za suveren illӓr arasında iň suveren dӓwlӓt buldı. Türkiye - üz mӓnfӓğӓt’lӓren saqlaw, yaqlaw mömkinlegenӓ iyӓ il” dide.

“Bügen Türkiye NATO hӓm Amerika Quşma Ştatlarına “Rusiyӓgӓ qarata sankśiyӓlӓrdӓ qatnaşmıybız hӓm ike il arasındağı küperlӓrgӓ zıyan kitermӓyӓçӓkbez. Çönki bu bezgӓ kirӓk” dip ӓytӓ. Türkiye hӓm Rusiya arasındağı dialognıň dӓwamı ike ilneň iq’tisadi mönӓsӓbӓtlӓre öçen zur ӓhӓmiyӓtkӓ iyӓ” dide Peskov.

Kreml’ süzçese Dmitriy Perskov Türkiye hӓm Rusiyӓneň turizm hӓm ênergetika ölkӓsendӓ xezmӓttӓşlegeneň alğa kitüenӓ basım yasap,”Ӓrdoğannın üz mӓnfӓğӓt’lӓren , il mӓnfӓğӓt’lӓren yaqlarğa köç tabuı , Awrupa kebek töp ağımda bulmawı bezne söyenderӓ” dip ӓytte.